Претседателката на Уставниот суд Добрила Кацарска вели дека Судот можел да ја поништи, наместо да ја укине спорната одредба од Законот за плати на избрани и именувани лица, но во тој случај таквата одлука ќе ја чинеше државата многу пари, па затоа, иако не е работа на Судот да размислува за финансиските импликации на одлуките врз државниот буџет, сепак донеле одлука за укинување.

– Уставниот суд одлучува исклучиво за усогласеност на законите со Уставот, за усогласеност на колективните договори и другите акти со законите итн. Финансиските импликации не се надлежност на Уставниот суд. На пример, имавме предмет од Законот за социјална заштита каде укинавме член дека не им следува помош на лица постари од 65 години. Го укинавме тоа не знаејќи колку граѓани се опфатени и колку тоа ќе ја чини државата. Ние немаме такви созбанија и немаме надлежност да утврдуваме дали некоја наша одлука финансиски ќе ја чини државата. Уставните судии не ги покачија платите на функционерите. Судот ниту покачува ниту намалуба, таму се работеше за една исклулително неуставна одредба – рече Кацарска.

Таа објасни дека во законот за плати на функционерите има член со кој се објаснува како се пресметува платата на избраните и именуваните лица, а тоа е просечната плата од минатата година помножена со коефициент според тежината на работното место.

– Од 2010 година пратениците почнале со измени, без да навлезат во основниот член, без да го изменат начинот на пресметка на платите и наместо прочната плата ставале износи за основица, а некои од тие износи беа со рок од една година. Сè е тоа неуставно. Во овој случај судот водеше сметка, иако не треба, колку одлуката ќе ја чини државата. Ова беше класичен пример за поништување на одредбата, но одлучивме да ја укинеме. Ако ја поништевме ќе важеше наназад и сите сегашни и минати финкционери ќе поднесеа тужби за период од три години, бидејќи рокот за застаренист на овие барања е три години. Само мал дел од нив немаше да тужат и тоа ќе беа милински суми за државата. Но, и да има финабсиски импликации, не можеме да релеме дека нема да поведеме постапка затоа што ќе чини пари – рече Кацарска.

Со укинувањето на фиксната основица од Законот за плати во март оваа година, платата на фунционерите значително се зголеми, до 78 отсто, што предизвика огромент револт кај граѓаните кој сè уште трае.