Манчестер јунајтед се подготвува во голем стил да го заврши преодниот рок. Џејдон Санчо веќе е нов фудбалер на „црвените ѓаволи“, а сега менаџерот Оле Гунар Солскјер е на прагот да добие две одличните засилувања во одбраната со кои екипата дефинитивно ќе биде еден од главните фаворите за освојување на трофеите.

Рафаел Варан за сума од 60 милиони евра од Реал Мадрид се очекува да се пресели на„Олд трафорд“, а Јунајтед се чини дека успеа да го убеди првиот човек на Реал Мадрид, Флорентино Перез да нема никаква размена на играчи туку да го плати само обесштетувањето. Иако и ПСЖ е заинтересиран за Варан, во трансферот се очекува да пресуди желбата на фудбалерот да заигра во Премиер лигата.
Со Варан, Хари Мегваер ќе добие одличен партнер во одбраната кој е далеку подобро решение од Виктор Линделеф.

Второто засилување во одбраната треба да биде Киран Трипие кој сака да се врати во Премиер лигата. Англискиот репрезентативец има уште една година од договорот со Атлетико Мадрид, но сака шпанскиот тим да му дозволи да заигра во клубот за кој навива од детството.
Се очекува трансферот да изнесува околу 25 милиони евра.

До крајот на преодниот рок, Манчестер јунајтед ќе се обиде да ангажира врвен напаѓач, а изборот падна на Хари Кејн. Англиските медиуми пишуват дека Јунајтед подготвува понуда од 100 милиони фунти плус Ентони Марсијал и постои можност оваа понуда да биде прифатена од Тотенхем.