Министерството за енергетика, рударство и минерални суровини објави јавен оглас за ранливите потрошувачи на енергија за набавка на инвертер клима уреди за 2025 година. Со оваа мерка, велат од Министерството за енергетика, ќе се подобри квалитетот на живеење и ќе се намалат трошоците за енергија во илјадници македонски домови.

Рокот за аплицирање е 60 дена од денот на објавувањето на огласот во дневен весник.

Министерството за енергетика, рударство и минерални суровини (во понатамошниот текст: Министерство) доделува право на купен и вграден инвертер клима-уред на домаќинство кое е во состојба на енергетска сиромаштија поради недостапност до основните енергетски услуги, кои обезбедуваат прифатливи стандарди за живеење и за здравјето. Право на користење на оваа помош имаат едночлените семејства чии примања се 25.000 денари, 31.000 денари за домаќинство со два члена, 37.000 денари за домаќинство со три члена и 43.000 денари за домаќинство со четири и повеќе члена.

За оваа намена превидени се 120 милиони денари.