Женa попладнево околу 14 часот паднала кај охридската населба Канео, кај карпите што се издига над јужниот брег на Охридското Езеро.

Станува збор за повозрасна жена, туристка од Јапонија, која паднала на скалите кај црквата „Свети Јован Канео“, при што се здобила со полесни телесни повреди.

Портпаролот на СВР Охрид, Стефан Димоски, ја потврди информацијата, посочувајќи дека веднаш по дојавата за случајот на лице место биле испратени полициска и екипа на Службата за итна медицинска помош. Жената која била во бесознание била згрижена во Специјалната болница за ортопедија и трауматологија „Свети Еразмо“, каде по укажаната медицинска помош ги повратила нормалните животни функции и е во стабилна состојба.

Според неговите зборови во тек е увид на местото на инцидентот, со најава за повеќе информации откако ќе бидат познати повеќе околности за причината што довела до овој случај.