Работодавачите во Велика Британија го намалија нивото на годишни зголемувања на платите во последните месеци, како и самата вработеност, бидејќи забавувањето на економскиот раст во земјата имаше последици врз пазарот на трудот, објави Британскиот завод за статистика.

Заводот за национална статистика (ONS) презентираше податоци кои покажаа дека невработеноста во Велика Британија се зголемила во текот на трите месеци до јуни, објави The Guardian. Сепак, официјалната стапка на невработеност остана непроменета на 4,7 проценти, највисоко ниво за четири години.

Растот на платите, вклучувајќи ги и бонусите, падна на 4,6 проценти од пет проценти во истиот период. Сепак, ако се исклучат еднократните бонуси, растот на платите остана на пет проценти, што укажува дека работодавците ги намалиле стимулациите.

Стапката на слободни работни места се намали за 44.000, што е сериозен показател за недостатокот на волја кај работодавачите да вработат нов персонал, пишува Танјуг.

Падот од повеќе од пет проценти во трите месеци до јуни, во споредба со претходниот квартал, беше 37-ми последователен пад на слободните работни места и го донесе вкупниот број далеку под нивоата пред пандемијата на 718.000.