Четиринаесет Палестинци загинаа, а 31 се ранети во пукањето на израелската армија на контролните пунктови во Појасот Газа каде што се дистрибуираат пакети со храна од страна на Хуманитарната фондација Газа (ГХФ), објави денеска Ал Џезира.

Според извештајот, пукањето се случило на пункт за дистрибуција на храна во Рафа, во близина на Ал Маваси, но и во централниот дел на Појасот Газа.

Ал Џезира јавува дека повеќето од жртвите биле застрелани во горните делови на телото – градите, вратот и главата.