Израелскиот министер за финансии, Безалел Смотрич, денес изјави дека се согласува да издвои милиони шекели од израелската државна каса за да им обезбеди хуманитарна помош на жителите на Појасот Газа, иако претходно остро се спротивстави на иницијативата.

Во интервју за израелскиот јавен радиодифузер Кан, Смотрих рече дека „тоа не се пари за хуманитарна помош, туку пари за победа во војната“, објави „Тајмс оф Израел“.

„Да ја контролиравме хуманитарната помош во Појасот Газа, одамна ќе ја добиевме војната“, рече Смотрих.
Министерот за финансии на Израел процени дека би било подобро да се повлече една дивизија на ИДФ од борбите и тие пари да се насочат за поддршка на американските компании кои управуваат со хуманитарна помош.
Смотрих претходно се закани дека ќе ја напушти владејачката коалиција поради одлуката на Израел да ја укине блокадата за влез на помош во Појасот Газа.

Порано оваа година, лидерот на опозицијата, Јаир Лапид, ја обвини израелската влада дека тајно финансира хуманитарна помош за окупираната палестинска енклава за да избегне критики од коалициските партнери Бенјамин Нетанјаху.