Четворица активисти од флотилата што се обидоа да ја пробијат израелската поморска блокада на Појасот Газа веќе се депортирани од земјата, соопшти израелското Министерство за надворешни работи, пренесува Тајмс оф Израел.

Повеќе од 470 активисти беа уапсени на 42 брода од Глобалната флотила Сумуд, кои беа спречени од израелската морнарица да стигнат до Појасот.

Израелското министерство соопшти дека „се во тек процедури за заклучување на провокацијата Хамас-Сумуд и финализирање на депортацијата на учесниците во оваа измама“.

Procedures are under way to wrap up the Hamas-Sumud provocation and to finalize the deportation of the participants in this sham.

Already 4 Italian citizens have been deported. The rest are in the process of being deported. Israel is keen to end this procedure as quickly as… pic.twitter.com/LeM1R25jTP

— Israel Foreign Ministry (@IsraelMFA) October 3, 2025

„Четири италијански државјани веќе се депортирани. Останатите се во процес на депортација. Израел сака да го заврши овој процес што е можно поскоро“, додаде тој.

Министерството прикачи фотографии од шведската активистка Грета Тунберг и други активисти по нивното пристигнување во Израел вчера.

„Сите се безбедни и во добра здравствена состојба“, додадоа од таму.

ВО ЖИВО: „Ројтерс“ ја следи флотилата со хуманитарна помош за Палестинците – бродовите се доближуваат до Газа