Група измамници веќе подолго време ја пустошат Хрватска користејќи добро воспоставени обрасци, а жртвите најчесто ги избираат во трговските центри. Според читател кој годинава снимил неколку измамници на дело, кај нас со години дејствува поголема организирана група измамници, кои бараат донации во точна сума во име на разни здруженија за глувонеми и слично.

„Оперираат по трговски центри, градски плоштади, паркинзи, а најтажно е што ги има и пред болниците. Сум ги видел безброј пати во продавниците на Лидл, Плодине и КТЦ во Вараждин. Повеќето од нив се млади луѓе, некои фини и насмеани, а некои груби и наметливи. Во февруари годинава успеав добро да сликам двајца измамници во Лидл на улицата Господарска во Вараждин. Полицијата која ја повикав, ми соопшти дека ако ги фатат на лице место и ако судот воопшто им досуди, казната е толку мала што една донација им е доволна да ја покријат“, напишал еден читател на порталот.

Тој посочува дека е неразбирливо со години да се случуваат вакви ситуации и дека нема општествена волја нешто да се промени во оваа работа. „Ова не е просење и обичен прекршок, како што е сега дефинирано, туку треба да има квалификација на кривично дело. Засега недостига притисок од медиумите и јавноста врз одговорните за промена на класификацијата на оваа измама од прекршочна во кривично дело“, револтиран е соговорникот на „Даница“.