Министерството за финансии ја издаде 23-тата емисија на Обврзници за денационализација во вредност од 1,5 милион евра, со која се обесштетуваат 108 баратели со правосилни решенија за денационализација донесени во период од 1 јануари 2023 до 31 декември 2023 година.

Обврзниците за денационализација се хартии од вредност што ги издава Министерството за финансии, во евро валута, а гласат на име и се неограничено преносливи.

Номиналната вредност и каматата од 2 отсто годишно на имателите на обврзници се исплаќа еднаш во годината во период од 10 години. Исплатата за оваа емисија ќе почне од 1 јуни 2025 година.

Имателите на обврзницата може да ја материјализираат, односно со неа може да тргуваат на секундарниот пазар на Македонската берза, соопшти Министерството за финансии.