Иво Санадер, поранешниот премиер, станал раководител на затворската библиотека во затворот Липовица, објави Н1. Санадер беше префрлен од Реметинац во Липовица, а сега неговата одбрана се надева дека ова е првиот чекор кон слободата.

Поради примерно однесување, но и нарушено здравје бил префрлен во Липовица.

„Господинот Санадер веќе неколку месеци е во КПУ Липовица. Тоа е полуотворен затворски систем, а сега е во многу подобри затворски услови од претходно“, објасни неговиот адвокат Чедо Продановиќ.

„Во суштина тоа е затвор кој не е затвор. Во текот на денот слободно шетаат низ комплексот, пијат кафе, примаат посетители. Очигледно е дека тој е задолжен да се грижи за културното издигнување на затворениците“, истакна Продановиќ, додавајќи дека никогаш не го загубил духот, иако поминал речиси една деценија зад решетки.

Во Липовица 80-тина осуденици казната ја издржуваат во соби со просечна површина од 20 метри квадратни, а поранешниот премиер ја дели својата соба со цимер. Затворениците имаат постојана медицинска нега – лекар и две медицински сестри – и бројни други поволности, пишуваа Дневник.хр.

Според пресудите за аферите Фими медиа, Планинска и ИНА-МОЛ, Санадер мора да помине вкупно 18 години зад решетки. Против него се водеа пет постапки, од кои во две е правно ослободен.