Млада припадничка на француските воени сили обвинила свој колега за силување во Елисејската палата во Париз.

Инцидентот се случил во јули оваа година и француската Претседателска палата досега ја чувала таа тајна, јавуваат француските медиуми.

Младата припадничка на воените сили наводно била силувана од еден војник во Елисејската палата на 1-ви јули, кога била организирана проштална забава за тројца соработници на претседателот Емануел Макрон, во присуство на шефот на државата.

По неговото заминување, во 22 часот, ситуацијата почнала “да се загрева”, наведува париски “Liberation”.

По официјалната церемонија во паркот, забавата продолжила во безбедните простории на Елисејската палата.

И токму таму, како што навела младата припадничка на воените сили, се случило силувањето. Жртвата отишла во полициска станица и раскажала за сексуалниот напад, а обвинителството одлучило на 12-ти јули да отвори судска истрага за силувањето.

Полициската управа надлежна за случајот го сослушала осомничениот, кој добил статус на сведок соработник.

Елисејската палата соопштила соопштила дека никогаш не коментира случаи кои се во тек.