На дел од вработените во пералната при Клиничкиот центар „Мајка Тереза“ во Скопје денес им се исплатени дел од старите заостанати плати, соопшти компанијата „СкопСтер“ која управува со пералната.

Вработените вчера стапија во штрајк и открија дека последната плата ја зеле во декември.

„Имајќи ја предвид сериозноста на ситуацијата, исплативме дел од старите плати, а интензивно работиме и на краткорочни мерки за обезбедување финансии за останатите обврски“, велат од компанијата.

Од „СкопСтер“ нагласуваат дека очекуваат разбирање и од Службата за општи и заеднички работи (СОЗР), со цел навремено исполнување на преостанатите финансиски обврски за 2024 година.

Скопските клиники останаа без чисти чаршафи – штрајкуваат вработените во пералната