Исламист планирал напад на протест за поддршка на Израел, го уапси германската полиција
Германската полиција денеска во Есен уапси 29-годишен исламист од Дуизбург под сомнение за тероризам.
Препорачано
-
1
-
2
-
3
Тој е осомничен за планирање напади на произраелски демонстрации, пишува германкси Шпигел.
Порталот наведува и дека неофицијално дознале дека полицијата неодамна добила дојава од странска разузнавачка служба. Полицијата наводно била загрижена дека мажот би можел да искористи камион за да го изврши нападот.
Наводно, 29-годишникот пребарувал на Интернет за произраелски настани и џихадистичка содржина. Не е јасно дали тој веќе одлучил каде и кога сака да го изврши нападот.
Според разузнавачките информации, тој, меѓу другото, наводно размислувал и за напади врз полициски објекти пред неколку недели.
Сепак, германските истражувачи наводно не пронашле докази за планиран напад.
Полицијата најверојатно интервенирала поради биографијата на осомничениот. На крајот на 2013 година преку Турција отпатувал за Сирија, каде и се приклучи на Исламската држава. Неговото борбено име било Осама Ал Алмани, Осама Германецот.
Во едно видео тој позира покрај телото на обезглавен маж.
Кога се вратил во Германија во 2016 година, полицијата го уапсила на аеродромот во Франкфурт. Во 2017 година тој бил осуден на пет години малолетнички затвор за членство во терористичка организација.
