Руски хеликоптер Ми-8 со пет лица исчезна денес за време на летот од Охотск до Магадан, на рускиот Далечен Исток, јави проруското издание Комерсант, повикувајќи се на податоци од воздухопловната агенција „Росавијација“.

На летот се наоѓале тројца членови на екипажот и двајца техничари. Според државната новинска агенција ТАСС, хеликоптерот не воспоставил комуникација во предвиденото време, што го активирало алармот кај надлежните служби.

Властите започнаа операција за пребарување, при што друг хеликоптер Ми-8 полетал од Охотск, а авион Ан-26 се вклучил од Магадан за да помогне во потрагата по исчезнатото летало.

Во моментот нема информации дали е пронајдена трага од хеликоптерот или екипажот. Потрагата продолжува во тешки временски услови карактеристични за регионот.