Иран погуби борач обвинет за убиство, јавуваат државните медиуми, и покрај меѓународните апели тој да биде поштеден. Навид Афкари (27) беше осуден на две смртни казни поради убиство на чувар за време на антивладините протести во 2018 година.

Афкари беше погубен утрово откако беше спроведена законската постапка до крај на инсистирање на родителите и семејството на борачот, медиумите ги пренесоа зборовите на претседателот на судскиот оддел во провинцијата Фарс.

85.000 спортисти ширум светот повикаа да се стопира егзекуцијата. Светската асоцијација на играчи соопшти дека тој бил „неправедно таргетиран“ за учество во протестите и повика на исфрлање на Иран од светскиот спорт доколку продолжи со погубувањето.

#BREAKING : Iranian Wrestling champion #NavidAfkari has been executed for alleged murder of a state employee during the 2017-2018 anti regime protests.

Human Rights groups says he was forced to confess under torture. pic.twitter.com/rNDRbnVBER

— Ali Hamedani (@BBCHamedani) September 12, 2020

Воедно постои сомневање дека Афкари бил мачен за да даде лажно признание. Според активистите за човекови права, успешниот борач само протестирал мирно, додека неговиот адвокат тврди дека нема докази за неговата вина.

Иранското судство ги отфрли обвинувањата за тортура.

– Афкари уби невин човек со нож и призна пред судот. Судот донесе смртна казна врз основа на силни докази, а Врховниот суд ја поддржа таквата пресуда – се вели во соопштението на судот.

Американскиот претседател Доналд Трамп исто така апелираше на милост, велејќи дека единствениот чин на борачот „беше антивладина демонстрација на улиците“.