Еден од најзаслужните фудбалери за освојувањето на титулата во Лигата на шампионите е Дивок Ориги, кој оттогаш е миленик на навивачите на „црвените“.

Реванш натпреварот против Барселона во полуфиналето од ланското ЛШ, Ливерпул го доби со 4:0, oа Ориги постигна два гола, првиот и последниот со кои на својот тим му обезбеди пласман во финалето каде го совладаа Тотенхем со 2:0, а и на тој натпревар Ориги се запиша во листата на стрелци.

Миленикот на навивачите одговараше на прашања, од кои едно беше наменето за неговото име.

– Немам никакви проблеми да објаснам како го добив името. Тоа е поради Владе Дивац. Моите родители го гледале како игра и одлучиле малку да го модифицираат името – одговори Ориги.