Општина Карпош денеска јавно ги извести сите угостители кои работат на нејзина територија дека во наредниот период ќе се вршат засилени контроли од страна на општинскиот  Инспекторат. Инспекторите ќе ја проверуваат поставената урбана опрема пред локалите, а контролите ќе се вршат во попладневните и вечерните часови.

Ве опоменуваме дека сите локали кои ќе имаат поставено дополнителни маси и столици од тоа што им е исцртано во елаборатот за урбана опрема, ќе бидат веднаш казнети и ќе биде поведена постапка за отстранување на урбаната опрема како и времена забрана за поставување на истата – предупредуваат од Општината.