Индустриското производство во Кина падна повеќе од очекуваното во јули, покажаа официјалните податоци, што го означува четвртиот месец по ред на пад, додека Пекинг се бори да постигне трговски договор со САД. Индексот за набавки – клучна мерка за индустриското производство – изнесуваше 49,3, соопшти Националното биро за статистика (NBS), што е намалување од 49,7 во јуни и е далеку под границата од 50 поени што го одделува растот од контракцијата.

Анкетата на аналитичарите предвиде дека индексот ќе биде ист како во јуни.

„Деловната клима во производствениот сектор падна пониско во споредба со претходниот месец“, рече статистичарот на NBS, Жао Ќингхе.

Падот се должи „на фактори како што се традиционалниот период на стагнација во индустријата, како и високите температури, обилни дождови и поплави во некои области“, рече Жао.