Индустријата изгубила уште повеќе работници – најмногу во рударството, преработувачкиот сектор и енергетиката
Бројот на работниците во индустријата во август годинава е намален за 2,6 проценти во споредба со август лани, објави Државниот завод за статистика.
Препорачано
Според нивните последни податоци, бројот на работниците во август 2025 година, во однос на август 2024 година се намалил во секторот Рударство и вадење на камен за 1,7 проценти, во секторот Преработувачка индустрија за 2,7 отсто, а во секторот Снабдување со електрична енергија, гас, пареа и климатизација за 0,6 отсто.
– Според главните индустриски групи, бројот на работниците во индустријата во август 2025 година, во однос на август 2024 година, се намалил во групите Енергија за 1,8 отсто, Капитални производи за 7,1 проценти и Нетрајни производи за широка потрошувачка за 2,2 отсто. Додека се зголемил во групите Трајни производи за широка потрошувачка за 7,3 проценти и Интермедијарни производи, освен енергија за 1 отсто – се посочува во соопштението на Државниот завод за статистика.
Погледнато од почетокот на годината, бројот на работниците во индустријата во периодот јануари – август 2025 година, во однос на периодот јануари – август 2024 година, се намалил за 3,8 отсто.
