Четири дена откако го заземаа Кабул Талибанците, објавија формирање на Исламскиот емират на Авганистан, . Додека илјадници луѓе сакаат да го напуштат Авганистан, се уште има хаос на приодите кон аеродромот во Кабул.

Денеска Авганистан ја одбележува 102 -годишнината од независноста, од Британија по повод што мал број граѓани излегоа на улиците со државни знамиња, кои новите власти не ги признаваат.

Илјадници очајни Авганистанци кои се обидуваат да ја напуштат земјата. Заглавени се меѓу Талибанците и американскиот воен прстен околу аеродромот во Кабул. Војниците на НАТО сеуште не можат да обезбедат нормална евакуација.

„Талибанците го контролираат надворешниот прстен околу аеродромот и се многу ефикасни во тоа. Многу луѓе се исплашени и очајни и имаат чувство дека им снемува време. „Се плашам дека ситуацијата ќе ескалира уште повеќе“, изјаи бригадниот генерал на германската армија Јенс Арлт.

Heartbreaking ?
Afghan people throwing their own infant babies over a barbed wire at the airport to pass them on to departing US troops in the desperate attempt to save them from the Taliban. pic.twitter.com/1js4Xc0LTu

— MB (@desiboho) August 19, 2021

Очајни родители се обидуваат да пренесат барем мали деца преку бодликава жица во забранетата зона, со цел да ги спасат од талибанските власти.

Меѓутоа, американските војници употребија созлевц во обид да ја растераат насобраната толпа околу аеродромот

Шефот за надворешна политика на ЕУ, Joзеф Борел рече дека 106 членови на делегацијата на ЕУ и нивните семејства безбедно го напуштиле Кабул, но има уште 300 луѓе кои работат за ЕУ ​​и сеуште се обидуваат да стигнат до аеродромот.

„Авганистанците кои работеа за делегацијата на ЕУ се блокирани во Авганистан. Тие се обидуваат да стигнат до аеродромот, со цел да се качат на летовите организирани од земјите -членки на ЕУ од Кабул.

Овие луѓе лојално ги бранеа и промовираа интересите и вредностите на Унијата во Авганистан со години. Наша морална должност е да ги заштитиме “, изјави Борел.

Во провинциите кои беа под талибанска власт веќе извесно време, ситуацијата се влошува: цените на храната скокнаа неколкукратно.

Сепак, Талибанците не го контролираат целиот Авганистан. Во долината Паншир се подготвува отпор кон Талибанците, под водство на вицепремиерот на падната авганистанска влада, Амрулах Салех.