Илјадници Австралијанци учествуваа на антиимиграциски митинзи одржани низ целата земја денес, барајќи владата да ја запре масовната миграција, објави Ројтерс.

Антиимиграциските митинзи „Марш за Австралија“ се одржаа во Сиднеј и други поголеми градови и регионални центри.

„Масовната миграција ги раскина врските што ги држеа нашите заедници заедно“, се наведува на веб-страницата на организаторите.

Министерот на лабуристичката влада Мареј Ват изјави за Скај њуз дека ги осудува антиимиграциските протести.

„Апсолутно го осудуваме митингот „Марш за Австралија“ што се одржува денес. Не ги поддржуваме ваквите митинзи што имаат за цел ширење омраза и кои имаат за цел да ја поделат нашата заедница“, рече Ват.

Тој рече дека антиимиграциските протести биле „организирани и промовирани“ од неонацистички групи.

Во исто време, се одржаа контрапротести, со до 8.000 луѓе во Сиднеј, организирани од Коалицијата за акција против бегалци.