Партијата за движење на Турците (ТХП) интензивно продолжува со активностите околу предвремените парламентарни избори. Претседателот на ТХП, воедно и кандидат за пратеник, Енес Ибрахим се сретна со граѓаните од Гостивар и ги изнесе клучните точки од изборната програма на ТХП.

Ибрахим во својот говор истакна дека разликите меѓу режимскиот период и последните три години е очигледна.

„Од поделено општество и разнебитени граѓани создадовме општество кое нуди еднакви можности на сите, општество кое се одликува со солидарност, заедништво и слободарски дух. Во нашиот концепт нема место за раздор, бидејќи разноликоста ја перципираме како предност и богатство на оваа земја, а Гостивар е светол пример на средина каде сите заедници функционираат во кохезија” кажа Ибрахим, додавајќи дека на 15-ти Јули граѓаните ќе потврдат дека се за континуитет на успешните политики од изминатите три години и ќе дадат огромна поддршка на кандидатските листи на коалицијата “Можеме”.