Парламентот на Албанија со мнозинство гласови го изгласа пакетот од закони „анти-клевета“, закони за медиумите, кој што беше многу дискутиран во јавноста.

И покрај протестите на новинарите, првиот пакет-закон за Аудиовизуелни Медиуми доби 82 гласа За, 13 беа против, додека пет пратеници беа воздржани.

Вториот Закон за Органот за електронски и поштенски комуникации беше изгласан со 87 гласа За, 10 против и тројца беа воздржани.

На таканаречениот пакет „анти-клевета“ остро се спротиставија медиумските организации и невладиниот сектор, оти според нив, со овој закон се воведува цензура на слободниот збор.

Во својот говор во Собрание, премиерот на Албанија, Еди Рама рече дека овој пакет не е негово дело или на владата, туку истиот е во согласност со ОСБЕ. Исто така во текот на денешната седница беше изгласан и буџетот за 2020 година.