Хрватските мали и средни трговци предупредија дека ограничувањето на работата во недела го загрозува нивниот опстанок, а се жалат и на немање работници и немање стимулации.

„Јасно е дека забраната за работа во недела е проблем за некои продавници, но мислам дека сите ќе се сложиме дека порано не работевме во недела и ништо не пропуштавме“, вели Државниот секретарот на Министерството за економија, Иво Милатиќ. Тој додаде дека според владејачката политика 16 работни недели се сосема доволни. Трговците, пак, предупредуваат дека ограничувањето на работата во недела ќе се одрази на нивниот профит и дека во спротивно им создава големи тешкотии. Така, претседателот на Здружението на малопродажните трговци во Хрватска, Иван Чибариќ, вели дека поради ваквите услови изумираат семејните дуќани во малите градови, објави Хина.

„Забраната за работа во недела не им одговара на малите трговци и занаетчии, со оглед на тоа што ние како мали занаетчии или трговци не сме и не можеме да бидеме во иста положба како големите трговци, бидејќи гарантираме со сопствен имот“, рече тој.

Ќибариќ се согласува дека состојбата на трговијата е добра, но дека малите трговци губат земја, истиснати од големи синџири. Тој смета дека недостигот од работници укажува дека е многу важно каква е нивната положба и како се чувствуваат на работа.