Во ноември, Хрватска забележа најголем пад на индустриското производство во ЕУ, многу пати посилен од просекот, покажаа во средата податоците на Европскиот завод за статистика, објави Н1 Хрватска. Во еврозоната индустриското производство е намалено во ноември за 1,9 отсто во однос на истиот месец од 2023 година, пресметале статистичарите.

Производството на капитални добра е намалено за 2,6 отсто во ЕУ. Забележливо е намалено и производството на интермедијарни производи. Раст е забележан само во секторот нетрајни производи за широка потрошувачка во ЕУ, за 0,1 отсто. Убедливо најголем пад на индустриското производство на годишна основа е забележан во Хрватска во ноември, за 6,6 отсто. Следат Ирска и Австрија, со пад на производството во ноември за околу пет проценти. Убедливо најголем пораст на производството забележа Малта, за 13,5 отсто во однос на ноември 2023 година. По неа е Белгија, со раст од 8,7 отсто, покажуваат податоците на Европската статистичка служба. Во Словачка и Естонија, производството остана, горе-долу, на нивото од ноември претходната година.