Хрватите спаѓаат меѓу најнезадоволните граѓаните во Европската Унија, покажува најновото истражување на евро-статистичарите. Имено, со просечна општа оцена на квалитетот на животот од само 6,3 во 2018 година, Хрватите се позадоволни само од Бугарите, кои на квалитетот на животот му дадоа осена од само 5,4.

Важно е да се напомене дека оценките започнуваат од нула, која означува потполно незадоволство, па сѐ до 10, што е оцена за потполно задоволство.

Инаку, просечната оцена на квалитетот на животот на граѓаните во ЕУ во 2018 година изнесуваше 7,3, што значи дека квалитетот на својот живот Хрватите го оценуваат послабо од просекот на Унијата, што покажуваат податоците на „Eurostat“.

Додека задовоството со квалитетот на животот во Бугарија минатата година порасна во однос на 2013 година, кога беше оценет со само 4,8, задоволството со животот во Хрватска во истиот период стагнираше, односно просечната оцена остана иста. Трендот на стагнација на оцените за животните можности во ЕУ во истиот период има само уште Белгија, чии граѓани, меѓутоа, се познадоволни од начинот на живот од Хрватите поради фактот што го оценуваат со 7,6, што е над просекот во ЕУ.

Главна причина за незадоволство на Хрватите изгледа дека се финансиите. Според информациите од истражувањето, сопствената финансиска ситуација Хрватите ја оценуваат со просечната оцена 5,2, што исто така е една од најниските оцени во ЕУ. Помалку задоволни со својата финансиска ситуација во ЕУ се само Литванците и Бугарите, додека просечната оцена со „длабочината на џебот“ на ниво на ЕУ е 6,5. Сепак, во однос на 2013 година, оцената на финансиската оцена во Хрватска е порасната, бидејќи тогаш испитаниците во Хрватска својата финансиска оцена ја оцениле со само 4,6.

Хрватите се на дното во Унијата и на листата по оцените на личните односи, поточно квалитетот на односот со другите луѓе. Истражувањето на „Eurostat“ покажува дека просечната оцена која ја дале испитаниците лани била 7,5, што е под просекот на ЕУ кој изнесува 7,9. Од личните односи, помалку задоволни од Хрватите се само Грците и Бугарите.

Инаку, Словенците спаѓаат меѓу позадоволните граѓани на ЕУ. Вкупниот квалитет на животот го оцениле со 7,3, што е на ниво на просекот во ЕУ. Близу до просекот се и по оцената за финасиската состојба, која ја оцениле со 6,3 од 10.