Директорот на Агенцијата за национална безбедност (АНБ), Бојан Христовски, на социјалните мрежи сподели објава за денешната седница на Советот за безбедност, свикана од претседателката на државата, Гордана Силјановска Давкова.

„Безбедносната состојба во државата е стабилна, но остануваме внимателни и посветени на справување со ризиците – од геополитички закани до климатски предизвици како пожарите. Во континуитет работиме на системски и технолошки решенија за подобрување на раното предупредување и заштитата на граѓаните. Националната безбедност е наша заедничка одговорност, и затоа ја темелиме врз соработка, проактивност и одговорно водење политики“, вели Христовски.