Јужнокорејскиот производител на автомобили Хјундаи се соочува со правна постапка поради обвиненијата дека не ги предупредил своите клиенти дека еден од неговите најпопуларни електрични модели може да биде украден „без напор за неколку секунди“. Елиот Инграм, експерт за дигитална безбедност, остана вчудовиден кога надзорната камера инсталирана во неговиот дом сними крадец со качулки како му го краде автомобилот Hyundai Ioniq 5 за помалку од 20 секунди, објави The Guardian. Се верува дека крадецот користел уред, достапен на интернет, кој имитира електронски клуч од автомобилот.

Автомобилот на Инграм подоцна бил пронајден од полицијата, но тој го откажал договорот и побарал отштета од компанијата. Според него, јужнокорејскиот автомобилски гигант требало да ги предупреди клиентите за безбедносни пропусти, пренесува Танјуг.