Ракометната федерација на Македонија ја информираше јавноста дека женската ракометна репрезентација на Грција се повлекува од понатамошното учество на меѓународниот турнир „Трофеј Македонија“.

Причина за повлекувањето е вирусна инфекција што зафати дел од грчките ракометарки, поради што тимот не е во можност да продолжи со натпреварувањето.

„Им посакуваме брзо оздравување на ракометарките од Грција и искрено им благодариме за нивното учество и придонес кон турнирот“, се вели во соопштението на РФМ.

Согласно распоредот, Грција требаше денеска од 16:30 часот да биде противник на македонската репрезентација во последниот натпревар на турнирот.

Преземено од: Спорт.ком.мк