Поради исклучително високите температури, кои во овој период достигнуваат и над 40 степени, екипите на ЈП „Паркови и зеленило“ започнаа со ноќно полевање на градското зеленило.

Исклучително високите температури значително влијаат врз сите активности, кои нашите екипи секојдневно ги спроведуваат во редовното одржување на зелените површини. Според тоа од вчера од 22 часот до 6 часот утрово теренските екипи од сите реони низ градското зеленило започнаа со ноќно полевање на јавните зелени површини во градот – информираат од „Паркови и ззеленило“.

Како што велат оттаму оваа активност ќе се спроведува и наредниот период, согласно предвидениот план за работа.