Битката за украинскиот Бахмут се заканува да стане најкрвавата во војната досега. Руските сили немилосрдно и жестоко го напаѓаат овој веќе уништен град, иако, според стратезите освојувањето на Бахмут нема да донесе никаква предност на теренот.

Сепак настојчивоста и упорноста за освојување на Бахмут се припишува на амбициозноста на Кремљ , кој се обидува преку освојувањето ан Бахмут да го подобри својот веќе нарушен углед во досегашните справувања на руската војска со украинската контраофанзива

Се повидливо е и дека битката за Бахмут ја предводат силите на приватната Вагнер група на Евгениј Пригожин, кој со освојувањето на овој град всушност ќе ја зајакне својата позиција и официјално ќе стане миленик на рускиот лидер Владимир Путин.

Во прилог на ова е и равојот на настаните од првата линија на фронтот . Имено, како што потврдил и самиот Пригожин, силите на Вагнер, кои го предводат нападот на овој град, првенствено ги насочиле напорите кон уништување на украинската војска.

„Нашата задача не е самиот Бахмут, туку уништувањето на украинската армија и намалувањето на нејзиниот борбен потенцијал, што има исклучително позитивно влијание врз другите области“, изјавил Пригожин, поради што оваа операција беше наречена „ Бахмутска машина за месо “. ”
Колку Пригожин е „загреан“ за да ја постигне целта покажува и фактот што не се грижи за воените загуби кои од ден на ден се зголемуваат.

Имено, неодамнешната проценка на Институтот за проучување на војната покажа дека, дури и ако руските трупи продолжат да напредуваат кон и во Бахмут, самиот Бахмут им нуди мала оперативна корист. Проценките за руските жртви се движат од 60 до 100 секој ден.

Исто така, дека не постои стратегија што би го планирала напредувањето на руските трупи по освојувањето на Бахмут, потврдува и фактот што, според проценките, тие немаат капацитет да продолжат со натамошното продирање зад украинските одбранбени линии.

Некогаш гледано како отскочна штица на патот кон клучните градови Донбас, Славјанск и Краматорск, напорите околу Бахмут се чини дека станаа залуден напор.

Што добива Пригожин ?

Пригожин, заедно со чеченскиот лидер Рамазан Кадиров, е еден од главните луѓе задолжени за паравоените формации на фронтот. Поради ова, тој долго време „имаше посебно место во срцето на Путин“, но чувствата на рускиот претседател кон него неодамна почнаа да се ладат.

Пред неколку недели и Вашингтон пост објави за нивниот наводен конфликт. Пригожин, наводно, му рекол на Путин во лице дека неговата воена тактика во Украина води кон пораз.

Според извештајот на американското разузнавање, Пригожин му го изразил својот став на Путин дека руското Министерство за одбрана премногу се потпира на Вагнер и не и дава на платеничката група доволно пари и ресурси за да ја исполни својата мисија во Украина.

Американските разузнавачи веруваат дека Пригожин го објавил контроверзното видео на социјалните мрежи на кое се гледа како војниците на Вагнер се жалат на недостиг од основна храна и залихи, со намера да го искористат видеото како средство за притисок врз Кремљ да го зголеми финансирањето на неговата платеничка воена формација