Полицијата во Австрија уапси двајца мигранти на воздраст од 16 и 18 години, поради сомневање дека задавиле девојче (13) и нејзиното тело го оставиле потпрено на дрво во парк во Донауштат во Виена.

Како пренесуваат австриските медиуми, станува збор за државјани на Авганистан, кои претходно барале азил во Австрија.

Полицијата најпрвин го уапсила постариот Авганистанец, а два часа подоцна недалеку од местото каде било пронајдено телото е уапсен и помалдиот осомничен, пренесува Телеграф.

Тие се сомневаат дека ноќта измеѓу петокот и саботата го задавиле девојчето, а потоа нејзиното тело го оставиле на улица.

Убиеното девојче живеела во Долна Австрија и сеуште не се знае причината зошто била во Виена. Полицијата проверува дали таа претходно била поврзана со осомничените за убиството.

Нејзиното тело го пронашле случајни минувачи во 7 часот наутро и веднаш се јавиле во полиција и во амбуланта, но за жал, по нивното пристигнување можело само да се констатира нејзината смрт.

Телото од страна на родителите било индетификувано дури во неделата, откако полицијата ги објави деталите за облеката на девојчето. Девојчето носело црн дуксер со натпис „Живот или смрт“ .

На местото во паркот каде било пронајдено телото на девојчето, нејзиното семејство остави слика од неа, цвеќе и свеќа.