Првиот тенисер на АТП ранг листата, Новак Ѓоковиќ се пласира во полуфиналето на турнирот во Белград откако со 6:1,6:0 за само 55 минути го совлада Аргентинецот Федерико Кориа.
За пласман во финалето, Ѓоковиќ ќе игра со подобриот од мечот Лајовиќ – Мартин.

Првиот носител на турнирот во Белград немаше никави проблеми да го совлада 96 тенисер на АТП ранг листата кој воедно е и помлад брат на поранешниот тенисер Гиљармо Кориа.
Во првиот сет, Ѓоковиќ до брејк предност дојде по маратонскиот втор гем по што потоа следеше уште еден брејк. До крајот на првиот сет, Ѓоковиќ му дозволи на Кориа да освои само еден гем.
Во вториот сет, српскиот тенисер беше уште поубедлив и не му дозволи на противникот да освои ниту еден гем.
Во второто полуфинале ќе играат Алекс Молчан и подобриот од дуелот Роберто Карбаљес баена  и Федерико Делбонис.