Бисерите наскоро би можеле за прв пат да се одгледуваат во италијанските води, бидејќи одгледувачите на школки сакаат да ја искористат неочекуваната можност што се појави со затоплувањето на Медитеранот, пишува Хина.

На крајот на 2023 година, првите примероци на бисерната школка (Пинктаде радиејт), припитомени во Црвеното Море, беа забележани во Заливот на поетите, популарна туристичка дестинација на стотина километри од Џенова, во северозападна Италија. Помалку од една година подоцна тие се шират во некогаш најстудените делови на Медитеранот, претходно поврзани со други видови школки за храна, а не за производство на бисери.

Индустријата за бисери заработува 11 милијарди долари годишно, а италијанските одгледувачи на школки сега сакаат парче од колачот. Увозникот на бисери, Адријано Гениси, смета дека, доколку се оди според планот, производството би можело да започне за една година.

„Ја проверуваме можноста за производство на култура на бисери овде“, рече Паоло Варела, шеф на задругата за школки што работи таму од 2011 година. Таа организација веќе стапи во контакт со производителите на бисери во Мексико за да ги советува за производство на бисери, рече Варела.

Околу 2,5 милиони квадратни километри од Медитеранот се загреваат побрзо од остатокот од морето, предупредува Фалаутано.