Женската тениска репрезентација на Македонија стигна до втората победа во групата Ц од Втората евро-африканска зона на Били Џин Кинг купот.

Македонските тенисерки во третото коло славеа над селекцијата на Косово. Победата ја обезбедија Ѓорческа и Стоилковска во своите дуели во сингл конкуренција, па така мечот во двојки е само формалност.

Стоилковска прва излезе на терен и ја доби Веса Ѓинај со 2-1 во сетови (2-6, 6-4, 6-2), додека Ѓорческа беше убедлива против Форта Морина на која и дозволи само еден гем. Првиот сет Ѓорческа го освои со 6-1, а вториот со 6-0.

Во мечот во двојки Јана Божиновска и Ана Митевска ќе играат шртив Веса Ѓинај и Адријана Лекај.