Општина Ѓорче Петров спроведува пролетна дератизација, дезинсекција и дезинфекција, со цел создавање почиста, побезбедна и поздрава средина за сите граѓани.

Со акцијата ќе се опфатат  2.500 шахти каде ќе се постават по две мамки за уништување на глодарите, а ќе се изврши и дезинсекција на јавните површини, како и дератизација и дезинсекција на сите основни и подрачни училишта.

Со акцијата се опфатени сите населени места: Дексион, Мирче Ацев, Ѓорче Петров, Хром, Даме Груев, Ново Село, Волково и Александрија, која од минатата година е дел од редовната пролетна дератизација.

Посебно внимание се посветува на образовните установи, со цел да се обезбеди здраво и безбедно училишно окружување за учениците. Активностите се спроведуваат од стручни екипи и надлежни служби, како дел од системскиот пристап на општината за унапредување на животната средина и заштита на јавното здравје, велат од Ѓорче Петров.

Од Општината апелираат до жителите да бидат внимателни при движење во периодот на третманите и да соработуваат со екипите на терен за успешно спроведување на активностите.