Зоолошка градина во Германија предизвика бес, вклучително и закани со смрт, откако одлучи да убие 12 бабуни и да ги нахрани лавовите со некои од телата. Сè започна кога зоолошката градина Тиергартен Нирнберг кон крајот на јули одлучи да убие 12 инаку здрави бабуни поради пренаселеност.

Некои од животинските трупови биле користени за истражувачки цели, а некои биле давани како храна за лавовите.

Skandal: Der Tiergarten Nürnberg hat den angekündigten Tabubruch begangen und heute 12 gesunde Paviane getötet. 💔
Das ist grausam und ethisch nicht zu rechtfertigen. Wir als Deutscher Tierschutzbund werden deshalb Strafanzeige wegen Verstoßes gegen das Tierschutzgesetz stellen. pic.twitter.com/qTW8SWanJj

— Tierschutzbund (@tierschutz_bund) July 29, 2025

„Скај њуз“ објави дека плановите за убивање на некои од бабуните биле објавени кон крајот на 2024 година, кога нивниот број надминал 40 во Зоолошката градина.

Директорот на зоолошката градина ја бранел одлуката, велејќи дека обидите за стерилизирање или преместување на бабуните не успеале.

„Ги сакаме овие животни. Сакаме да спасиме еден вид. Но, за доброто на видот, мора да убиеме некои единки, во спротивно нема да можеме да ја одржиме популацијата на ограничено подрачје“, рече д-р Даг Енке.

Според него, полицијата истражува откако персоналот добил закани со смрт. „Страдаме од сите овие пцовки, навреди и закани“, рече д-р Енке. Како што рече, „најчестата закана е – ‘ќе ве убиеме и со вас ќе ги нахраниме лавовите’“.

„Но, она што е навистина одвратно е кога велат дека ова е полошо од д-р Менгеле на нацистите. Ова е навистина навредливо за сите жртви на Втората светска војна и нацистичкиот режим“, додаде Енке.