Владејачката црно-црвена коалиција на конзервативните демохристијани и социјалдемократи од Германија, формирана денеска, се согласи со коалициски договор да го укине забрзаното доделување државјанства на имигрантите кои добро се интегрирале во германското општество.

Сегашната влада во заминување на социјалдемократската СПД, Зелените и либералната ФДП усвои закон кој им дозволува на добро интегрираните имигранти во Германија да добијат државјанство по само три години.

Коалицискиот договор на идната владејачка коалиција, пак, предвидува ограничување на мигрантите да можат да се обединат со своите семејства доколку уживаат супсидијарна заштита во Германија, односно не се баратели на азил. Таква можност за доведување семејства ќе има под мандатот на новата влада само во „исклучително важни случаи“.