Германската влада даде зелено светло за извоз на авиони „Еурофајтер тајфун“ во Турција, изјави турскиот министер за одбрана Јасар Ѓулер за време на телевизиски говор, објави украинскиот портал Милитарниј.

Според него, германската влада конечно одговорила позитивно на извозот на борбени авиони од ваков тип во Турција во рамките на создавање доверлив круг на добавувачи.

За да се донесе оваа одлука, земјите од конзорциумот, односно Велика Британија, Шпанија и Италија, извршија значителен притисок за спроведување на овој договор за извоз и добивање дополнителен придонес во развојот на програмата Еурофајтер.

Одлуката за набавка на овој тип авиони е поврзана и со зајакнувањето на грчкото воздухопловство кое од Франција добива модерни ловци Рафал, така и со неуспешните преговори за набавка на американски борбени авиони Ф-35А.

Новиот авион ќе може да го одржи паритетот на силите во регионот и да им обезбеди на турските воздухопловни сили нови и модерни авиони.