Германското обвинителство подигна обвинение против американски државјанин, кој се товари дека нудел чувствителни воени информации на кинеските разузнавачки служби, пренесе „Политико“. Обвинетиот беше уапсен пред речиси една година во Франкфурт.

Федералниот државен обвинител соопшти дека лицето, идентификувано како Мартин Д., поранешен изведувач за Министерството за одбрана на САД, се соочува со обвиненија за делување како агент на странска разузнавачка служба во „особено сериозен случај“.

Случајот ќе се разгледува пред Сенатот за државна безбедност на Вишиот регионален суд во Кобленц.