Германија во петокот објави дека ќе испорача два системи „Патриот“ на Украина, по договорот со САД, според кој за возврат Берлин ќе има приоритет при добивањето на поновите системи.

Благодарение на посветеноста на САД, „Германија првично може да ја поддржи Украина со лансери, а потоа и со дополнителни компоненти од системот „Патриот“, рече германскиот министер за одбрана Борис Писториус.

Поточно, германската војска првично ќе испорача дополнителни лансери „Патриот“ во Украина во наредните денови, додека дополнителни компоненти на системот ќе следат за два или три месеци.

За возврат, Берлин ќе добие нови системи „Патриот“ од САД со забрзано темпо, за кои обезбедува средства.