Од 1 јануари Германија ќе го преземе раководењето со Заедничката работна група со многу висока одговорност на НАТО (VJTF) и ќе стави во приправност неколку илјади војници подготвени по потреба да бидат распоредени каде што треба за само неколку дена.

На веб-страницата на НАТО се додава дека ВЈТФ е создадена во 2014 година за да биде јадрото на зајакнатите сили за одговор на НАТО, како што се наведува, „по нелегалната анексија на Крим од страна на Русија и кризата на Блискиот Исток”.

Германија го презема раководството на ВЈТФ од Франција, која ја предводеше оваа НАТО група во 2022 година.

– Како одговор на руската инвазија на Украина, НАТО испрати делови од ВЈТФ во Романија, што е прва заедничка мисија на групата оваа година, посочува Алијансата.

Раководството на ВЈТФ ротира годишно меѓу сојузниците, а во 2023 година оваа групација на НАТО ќе има околу 11.500 војници.

Освен германски војници, ќе учествуваат и војници од Белгија, Чешка, Летонија, Литванија, Луксембург, Германија, Холандија, Норвешка и Словенија.