Црноморската флота на Русија е вратена во воените дејствија во Укрина. Ова е неочекуван потег преземен од новиот генерал на здружените сили на руската армија, Сергеј Суровкин.

Флотата на Русија стационирана во Црното Море речиси целосно беше повлечена од војната во Украина, откако во текот на април се случи спектакуларното потопување на воениот брод „Москва“, јавува лондонски „Тајмс“.

Сепак, Суровкин, кого во медиумите го нарекуваат „генерал армагедон“, наредил активна улога на бродовите во Црното Море, па во гранатирањето на стратешките цели на украинскиот фронт, учество земаат и 12 воени брода и подморници.

56-годишниот Суровкин е докажан ветеран од Сирија, а главната акција која тој презема во Украина е уништувањето на енергетскиот систем.

По Украина од Црното Море во моментов се испалуваат крстаречки ракети од две фрегати со бродови од класата Григорович и четири корвети од класата Бујан-М.