Екипите на ЈП “Охридски Комуналец” рано утринава извршија вонредно чистење и подигнување на големи количини на кабаст отпад кој несовесни граѓани го исфрлиле на несоодветни локации во селото Пештани, објави на својот фејсбук профил Константин Георгиески, градоначалник на Општина Охрид.

„Ова не е прв случај на несоодветно депонирање на отпад од страна на граѓаните. Екипите на претпријатието секојдневно подигнуваат кабаст отпад и од други јавни локации во градот и приградските населби. Општина Охрид упатува јавна осуда до сторителите на вакви еколошки престапи и најавува засилени инспекциските контроли на терен, со цел да се спречат и санкционираат сторителите. Се упатува апел до граѓаните да покажат повисоко ниво на еколошка свест и да не го исфрлаат отпадот на несоодветни локации“ , вели охридскиот градоначалник.