Шефот на француската дипломатија, Жан-Ноел Баро, денес изјави дека неговата земја ќе ги користи приходите од замрзнатите руски средства за одржување на топовите „Цезар“ што ги испрати во Украина, објавија француските медиуми.

„Франција, преку својата компанија KNDS, ќе може да обезбеди функционално одржување на топовите „Цезар“ што Париз ги испрати во Киев, благодарение на интересот од замрзнатите руски средства“, рече францускиот министер, кој учествува на состанокот на дипломатите на ЕУ во украинскиот град Лвов, пишува „Фигаро“.

ЕУ одлучи да ги користи каматите од замрзнатите руски средства за да му помогне на Киев, потсети парискиот весник.