Последните француски војници распоредени во Централноафриканската Република денеска заминаа од таа африканска држава, согласно повлекувањето иницирано од зајакнатите врски на земјата со Русија, јавија француските медиуми.

Четириесет и седум војници од единицата за логистичка поддршка со транспортен авион „Ц-130″ го напуштија аеродромот во Банги. Тоа беа последните војници од 130-члениот француски контингент што беше распореден во земјата.