Премиерот Христијан Мицкоски и министерот за внатрешни работи Панче Тошковски денеска присуствуваа на пуштање во употреба на реконструираното Одделение за управни работи – Скопје во зградата на МРТВ.

Реновирани се 1.300 метри квадратни од објектот, а до октомври, како што најавија, се очекува комплетно да заврши и втората фаза.

– Реновирани се околу 1.300 квадратни метри, а во фаза сме на реализација на голем објект кој ќе овозможи над 200.000 граѓани полесно да ги добиваат потребните документи во своите општини. Со тоа се елиминира потребата од доаѓање во главниот град и се намалуваат гужвите – изјави Тошковски.