Познатата бразилска манекенка Адријана Лима (39) и поранешниот српски кошаркар Марко Јариќ (41) неодамна се уловени од папарaците, и тоа заедно, а фотографиите од нив двајца веднаш го заобиколија светот.

По пишувањата на светските медиуми и „шушкањата“ дека Марко и Адријана се заедно во изолација во Мајами, папараците си ја завршија работата и го докажаа тоа.

Поранешните брачни партнери времето пак го поминуваат заедно со ќерките Валентина (10) и Сиена (7) во Флорида, САД.

Фотографии на кои Марко со бротче ги вози ќерките, а Адријана стои на брегот, ја подгрејаа приказната за нивното наводно смирување.

Адријана Лима го запозна Марко Јариќ во 2006 година на забава, за во 2008 година тој да ја побара за жена, а стапија во брак на денот на вљубените, 14 февруари во 2009 година.

Тие беа во брак кој траеше пет години, од 2009 до 2014 година, кога Адријана побара развод, а судската разрешница траеше две години, кога официјално се разведоа во 2016 година. Тие станаа родители на двете ќерки, Валентина и Сиена.

Сепак, Лима и Јариќ решија да ги „закопаат секирите“ и да останат во пријателски односи за да им овозможат среќно детство на нивните две ќерки.

Поранешниот „ангел“ иако важи за една од најубавите жени на светот, како што тогаш изјави за медиумите, таа ја чувала својата невиност за првата брачна ноќ, кога за CQmag изјави дека „сексот е за брак“, истакнувајќи „мажите мора да го почитуваат мојот избор. Доколку нема почит, тоа значи дека не ме сакаат (за тоа што сум).

Дали Марко и Адријана се смириле за време на изолацијата на коронавирусот, останува времето да покаже.