Студентското пленумско движење денеска одржа собир по повод 40 дена од пожарот во дискотеката „Пулс“ во Кочани.

Во трагичниот пожар во Кочани животот го загубија 62 млади луѓе, а речиси 200 беа повредени. Голем број од нив сè уште се на лекување во болници во земјава и во странство.

Студентите се движеа од платото на универзитетот „Св. Кирил и Методиј“ кон Основниот кривичен суд, каде запалија свеќи и одржаа 63-минутен молк во сеќавање на загинатите во дискотеката „Пулс” и возачот на Итната помош Илчо Гоцевски, кој почина откако цел ден ги пренесуваше повредените во скопските болници.